Shadow

Protest climb ginpatigayon para pamatukan ang ginatukod nga highway nga magalabay sa kalasangan sang Northern Negros Natural Park

Bisan mabunok ang ulan wala ini maka pugong sa mga katapo sang Green Alert Network Incorporated nga magpatigayon sang protest climb sa Barangay Patag sa Silay para ipanawagan nga untatan ang road construction nga proyekto nga maga angut sang dalan gikan sa Silay, Cadiz City kag banwa sang Calatrava.

Suno sa presidente sang grupo nga si Tod Rustee Noel Decendario, ang amo nga proyekto ang magalbay sa Northern Negros Natural Park nga protektado sa idalom sang National Integrated Protected Area System ukon NIPAS. Ini ang gintukod nga layi para pangapin sa nagapabilin nga kalasangan.

Bisan si Bishop Gerardo Alminaza sang Diocese of San Carlos nag panawagan man nga untatan ang amo nga proyekto bangud makahalit ini sa mga water shed kag sa puluy-an sang mga endangered species sa isla sang Negros.

Paathag ni Department of Environment and Natural Resources regional director Francisco Milla, duha ka bulan ang nagligad may cease and desist order nga ginpapanaug para sa amo proyekto para indi makapadayon. Iya naman nga ginpa tun-an sa environment management bureau ukon emb kag sa legal department sang denr ang amo nga road project.

Dugang pa niya ang existing road project sadto pa amo lang ang natagaan sang Environmental Compliance Certificate ukon ECC kag rehabilitation lang sang amo nga dalan ang ila hinahimo diri. Ang wala pa natagaan sang ECC ako ang pagsugpon sa amo nga highway.

Pero para sa Green Alert nga grupo indi nila luyag nga matabo sa sini nga area ang natabo sa kalasangan sang silay kag Don Salvador Benedicto kun sa diin may nagtuluhaw nga mga illegal structure.

Isa ka online petition ang ginahimo karon para indi madayon ang amo nga proyekto.

Secured By miniOrangeSecured By miniOrange