Natukiban sang Bacolod City Legal Office nga ginahimo na nga ilistaran sang mga street dwellers ang annex building sang Libertad Public Market.
Kaina sang aga, nagapatigayon sila sang clearing operation kag tigayon nga ginpahalin ang masobra sa 40 ka mga persona nga naga-istar sa amo nga building.
Ginsiling ni Levy Pangue, pamuno sang CLO Enforcement Team, kalabanan sa mga naga-istar didto mga tigulang kag mga rugby boys.
Mabaho na suno sa iya ang building bangud magluwas nga ginatulugan na ini, ginahimo naman ini nga kasilyas kag basurahan sang iban.
Igaduso sang CLO sa City Administrator's Office nga temporaryo anay nga ipasara ang annex building agud matinluan ini sang maayo.
Kon matinluan na ini, suno kay Pangue depende na sa City Administrator kun buksan ini liwat.
Wala na sang mga vendors ang amo nga area matapos naghalin ang mga ini bangud indi sila mabaklan kon yara sila sa second floor.
Dugang ni Pangue, ila man igaduso sa siudad nga butangan na lang sang security guards ang merkado agud masiguro nga mapabilin ang katinlo sini.
[sibwp_form id=1]