Magabutang ang siudad sang isa ka garbage bin sa sulod sang Deca Homes South sa Barangay Cabug sa Bacolod City.
Ini matapos nga nag-request ang pamunuan sang Barangay Cabug bangud sa problema nila sa basura.
Ginsiling ni Punong Barangay Jennifer Pintucan, ginasuspetsohan nga ang mga ginasugo nga mga tricycle drivers sang mga homeowners sa Deca Homes nga magkuha sang ila basura, amo ang sa likod sa illegal dumping sang basura sa economic highway.
Makasulod man ang garbage collector sa subdivision, apang problema sa gihapon ang mga late throwers.
Agud ma solusyonan ini, ipahamtang na mismo sa sulod sang Deca Homes ang garbage bin, agud malikawan na ang iligal nga paghaboy sang basura sa economic highway.
Ang sanitary inspector sang barangay kag mga opisyal sang homeowners association ang maga-mintinar sang amo nga garbage bin.
Damlag pa, ginbutangan naman sang garbage bin ang Barangay Vista Alegre bangud sa problema man sini sa basura.
Una na nga ginsiling ni Bacolod City Mayor Greg Gasataya nga consistent man ang pagkolekta sang ISWIMS sa mga basura, apang problema sang collector amo ang mga late na nagapagwa sang ila mga basura.
[sibwp_form id=1]