Anay Vice Presidente Leni Robredo ang gina paabot maga upod sa campaign rally sang independent candidate nga si Bam Aquino sa Bacolod.
Ginsiling ni anay Governor Rafael Lito Coscolluela, as of press time padayon ang pag finalize sa amo nga event nga natalana sa Miyerkules sa Paglaum Sports Complex las 4 sang hapon.
Suno kay Coscolluela si anay Senador Francis Pangilinan ang iga-represent naman sang iya nga utod nga si Anthony Pangilinan.
Natalana naman ang isa ka video message gikan kay Senador Risa Hontiveros.
Ginsiling naman ni Governor Eugenio Jose Lacson nga naka schedule mag courtesy visit sa iya nga talatapan si Anay VP Leni, antes sang kahiwatan sa Paglaum.
Imibitado man ang gobernador sa amo nga pagtilipon.
Kun bala siya ang maga suporta sa kandidatura nanday Aquino kag Pangilinan, ukon magatambong siya sa amo nga rally, suno kay Lacson bantayan na lamang.
Sa nagligad nga presidential elections, ginsuportahan ni Lacson si Robredo.