Sang Oktubre 24 naka post pa sa iya nga Facebook page si anay councilor Lyndon Cana samtang nagapabulong sa Bacolod Adventist Medical Center bangud sang Covid-19.
Pero kagab-i masubo nga gin-anunsyo sang iya mga himata ang iya pagtaliwan sa edad nga 56.
Madamo man sa iya mga abyan kag kakilala sa simbahan kag pati na mga local officials ang nagbuylog sa kalisod sang nalisdan nga pamilya.
Si Cana ang nagserbe bilang konsehal sang siudad sang 2001 tubtob 2006.
Para kay Vice-Mayor El Cid Familiaran, makabig isa sa mga maalam nga legislator ang anay konsehal nga magluwas nga independent minded indi man madali dali nga ma impluwensyahan.
Ang anay estudyante ni Cana sa College of Law nga si anay konsehal Caesar Distrito ang nagsiling nga isa ka mabuot nga lider, mentor kag abyan ang iya anay maestro.