Multiple gunshot wounds sa ulo kag lawas ang naangkon sang lalaki nga anay miyembro sang Revolutionary Proletarian Army Alex Boncayao Brigade matapos gintiro sa Purok Vanda, Barangay Santol sa banwa sang Binalbagan, Martes sang gab-i.
Nag-gwa sa imbestigasyon sang Binalbagan PNP nga gikan sa inom-inom ang biktima kag papauli na halin sa proper sang Brgy. Santol pakadto sa Purok Vanda sang siya ang ginbantayan sang suspek kag gintiro sang makapila ka beses.
Nalagyo ang suspek sa nabukid nga bahin sang Brgy. Santol.
Narekober sa crime scene ang anum ka mga empty shells sang .45 caliber.
Suno kay Police Captain Joelan Vinson, hepe sang Binalbagan PNP, naga-obra bilang manug-uling ang biktima kag wala ini sang ano man nga records sa barangay.
Sa isa ka statement gin ako sang Romeo Nanta Command sang NPA ang krimen. Ila nga gina alegar nga asset sang Philippine Army ang biktima.
“Sa subong amo pa na ang gina-try namon nga maka-gather sang information kag possible nga witnesses nga nakakita sa suspect… Wala pa (possible motive).. Under investigation sa gihapon”, suno kay Vinson.*
[sibwp_form id=1]