Nagdangat sa P5 million ang balor sang mga smuggled nga sigarilyo nga na intercept sang otoridad sa Dumaguete City. May kapin man sa P600,000 nga balor sang mga ukay-ukay ang naupod sa smuggled nga mga sigarilyo.
Ang ginhugpong nga pwersa sang Bureau of Customs, Coast Guard District Southern Visayas kag Port Police ang naka intercept sang shipment sang smuggled nga mga sigarilyo sang Jacos Transport sang kahapon sa Dumaguete Port padulong Siquijor. Ang rolling cargo ang gin inspect kag didto natukiban ang mga kontrabando gani gin-hold ini sa puerto.
Pasakaan sang kaso kun matumod ang mga persona nga sa likod sang sini nga shipment. Nangin sunod-sunod na ang pagka intercept sang otoridad sa mga smuggled nga sigarilyo sa Negros Island Region.*
[sibwp_form id=1]