Anay DSWD Secretary kag karon ACT-CIS Representative Erwin Tulfo ginduso ang perpetual disqualification sa mga government officials nga ginapamentahaan ang AICS.
Humalin sang ginsuguran ni anay Department of Social Welfare and Development Secretary kag karon House Deputy Majority leader Erwin Tulfo ang pagpanagtag sang ayuda paagi sa Assistance to Individuals in Crisis Situation ukon AICS madamo na ang naga-reklamo angut sa mga benepisyaryo nga gina-komisyunan ukon ginabuhinan ang ila nabaton nga financial assistance gikan sa gobyerno.
Gani ginaduso karon ni Tulfo ang silot nga perpetual disqualification from holding public office ilabi na batuk sa mga government officials nga imbolbado sa kasubong nga pagpamentaha.
Nagligad lang nga bulan sang ginpa-usisa ni Mayor Albee Benitez ang pareho nga modus sa tion nga ginapatuman ang payout para sa AICS kag pati na sa AKAP sa siudad.
Ang AICS kag iban pa nga social aid nga ginapanagtag sang DSWD national office ang ginatagaan na sang exemption sang Commission on Elections.
Pero ginklaro sang pamunuan sang COMELEC nga indi pwede pangunahan ang pagpanagtag sang ayuda sang mga nagakandidato karon nga pinili-ay.