Shadow

Anay chairman sang NUJP nga si Nonoy Espina nagtaliwan

Negrense nga anay chairman sang National Union of Journalists of the Philippines nga si Nonoy Espina nagtaliwan sa edad nga singkwentay nuebe.

Si Jose Jaime “Nonoy” Espina ang napatay bangud sang liver cancer. Kaupod niya ang iya nga pamilya sa ila nga balay diri sa bacolod sang siya ang nagtaliwan.

Isa ka beterano nga journalist si Espina kag isa ka human rights advocate.

Siya ang nag pakigbato kaupod ang mga empleyado sang ABS-CBN Bacolod sadto nga indi mapa sira ang estasyon.

Siya ang correspondent sadto sang Today newspaper, nag trabaho man siya sa the Manila Standard nga life style magazine kag nangin editor sang online news outfit nga Inquirer.net kag Interaksyon.

Suno sa utod ni Nonoy nga si Inday Varona-Espina ginpili ni Nonoy nga mag practice sang iya pagka journalist sa Negros Occidental.

Covid-19 survivor siya kag naka pauli pa sa ila nga balay matapos maka recover.

Ang Negros Press Club ang naga upod man sa kalisod sang pamilya Espina sa iya kamatayon.

Siya ang anak sang anay presidente sang NPC nga si Rolando “Rolly” Espina.

Kilala si Nonoy bilang naga tib-ong sang kinamatarong mga media workers kag freedom of the press.

Leave a Reply

Your email address will not be published. Required fields are marked *

Secured By miniOrangeSecured By miniOrange