Isa naman ka persona ang gin patay kahapon sa barangay bandila sa banwa sang Toboso kun sa diin may gin patay man nga trabahador sang furniture shop sang nag ligad nga adlaw.
Ang mga suspek amo man sa gihapon ang gina tudlo karon sang pnp nga may kahimuan sa pagpatay kahapon sa 54 anyos nga si Ponciano Carbajosa nga isa ka anay kagawad kag anay miyembro man sang CAFGU.
Suno kay Staff Sargeant Eugene Kangkee, naga panglakaton lang papauli si Carbajosa sang siya ang gin bangaan sang apat ka mga armado kag gin luthang sang makapila ka beses.
Suno kay Kangkee, ang mga armado nga nag luthang kay Carbajosa amo man ang posible may kahimuan sa pag patay kay Mariel Encarquez sang Lunes kag posible ila gina patay ang mga persona nga may sala sa ila.
Mahimo mga miyembro sang new peoples army amo ang may kahimuan sini suno kay Kangkee.