Ginhatagan sang tribute sang kapitolyo probinsyal si anay board member David Lacson sini lamang nga hapon.
Gindala ang iya nga urn sa social hall sang provincial capitol sini nga hapon.
Isa ka misa ang ginsakdag kasubong man tribute para sa kay Lacson nga nagtaliwan sadtong Disyembre 3 matapos mag positibo sa Covid-19.
Antes mangin katapo sang Sangguniang Panlalawigan nangin alkalde man sang banwa sang EB magalona si Lacson.
Pila sa mga lokal nga opisyales nga naghatag sang mensahe kag nagdumdom kay Lacson amo sanday Mayor Marxlen dela Cruz, Rhumyla Mangilimutan kag Richard Jaojoco.
Ginpamunuan nanday Governor Eugenio Jose Lacson, Vice Governor Jeffrey Ferrer, mga katapo sang Sangguniang Panlalawigan kag mga alkalde lakip na si provincial consultant Albee Benitez ang amo nga pagtililipon para kay Lacson.