Tigayon na nga naka submit sang iya nga sabat sa show cause order ang anay Acting Municipal Treasurer sang banwa sang Isabela nga nadulaan sang 6.4 million pesos nga cash kag tseke nga iya sang banwa.
Suno kay Provincial Legal Officer, Alberto Nellas, Jr., sang Lunes santo sa deadline, nabaton sang Provincial Administrator’s Office ang sabat ni Nenette Escarda.
Indi mapalayag ni Nellas ang kaundan sang sabat ni Escarda bangud nga padayon ang pag pangusisa sa iya.
Pero suno kay Nellas, iya ginsabat paagi sa letter explanation ang mga punto nga gina pasabat sa iya.
Wala naman ini sang dugang nga ebedensiya nga gin-present suno kay Nellas.
Maga sugod na ang preliminary investigation kay Escarda nga karon padayon naga trabaho sa Provincial Treasurer’s Office.
Ini ang maga pat-od kun nagakaigo siya pasakaan sang kaso administratibo.
Sa pagsulundan, may 20 diyas para mag pa gwa sang resolution.
Pero suno kay Nellas mahimo indi na sila mag lab-ot pa sa 20 diyas.
Ang pagdala ni Escarda sang 2.6 million pesos nga cash kag 3.8 million nga tseka sang banwa apesar nga wala ini siya sang authority, ang pagkadula sini gikan sa iya nga balay matapos gin-alegar sulod ang iya nga balay kag ang resulta sang cash examination sang Commission on Audit sa iya ang mga isyu nga gina usisa si Escarda.