Nakuha sa CCTV video ang pag labog na sang isa ka motorsiklo matapos ini maka bunggo sang Domingo sang menor de edad nga nag tabok sa dalan Araneta sa Barangay Tangub sa Bacolod City.
Ang napatay amo si Reynaldo Orlido.
Suno sa PNP, nag tabok sa dalan ang 16 anyos nga lalaki las dies sang gab-i sang ini mabungguan sang motorsiklo ni Orlido nga nagadalagan pa sur.
Sa ospital na ginbawian sang kabuhi ang biktima.
Samtang patay man ang 12 anyos nga bata nga babaye matapos ini ma sandwich sa tunga sang jeep kag awto sa Charito Heights sa Barangay Granada.
Suno sa pulis, nagahampang lang ang bata upod sa iya mga utod sang nag isol ang jeep kag naipit ini sang mag rekta sa awto ang jeep.
May initial settlement naman suno sa pulis sa tunga sang drayber sang jeep kag pamilya sang bata.