Napulo sa 90 ka mga motor vehicles nga ginakabig item not found ang nakit-an sa mga barangay.
Pila diri ang naka-assign sa mga nag-retiro na nga pulis kag anay barangay officials.
May napulo na ka mga salakyan kag motorsiklo sa 90 ka mga gina pangita nga mga motor vehicles sang Bacolod ang natigayon nga nakit-an kag na-inspect sang katapo sang General Services Office.
Suno kay City Administrator Pacifico Maghari, III, kalabanan diri ang na-turn over na sang mga anay personnel sang Bacolod City Police Office kag mga barangay officials sang siudad.
Enero 28 sang natalupangdan sa occular inspection nga ginmandu ni Mayor Albee Benitez nga may 122 ka mga salakyan kag motorsiklo sang siudad ang indi na makit-an kag ang iban nagapabilin nga undocumented.
Ang officer in-charge sang GSO nga si Victor Espina ang natalana mag-submit sang evaluation may kaangtanan sa inventory sang mga government assets sa sini nga semana.
Ini antes pa man ang issuance sang show cause order sa mga empleyado bisan sa mga yadto nag-retiro na nga may memorandum receipt sa mga salakyan kag motorsiklo sang local government.