Patay ang 28 anyos nga si Dionisio Sundo matapos nga ginbuno sang iya kaugalingon nga amay nga si Rolando Sundo, 68-anyos sa Sitio Mascovado Brgy. Poblacion banwa sang Toboso Miyerkules sang hapon.
Suno sa kay Police Major Jun Ray Batadlan ang hepe sang Toboso PNP, upod inom ang mag-amay sang hinali na lang nga nag maoy ang biktima kag iya nga gin pang guba ang mga pananom kag kudal.
Suno pa kay Batadlan, gintinghuaan sang amay nga pauntaton ang iya anak apang ginsumbag siya sini. Gintambagan sila sang ila nga mga himata apang padayon nga nag ma-oy ang biktima tubtub nga ini ang nabun-an sang iya amay sa dughan.
Gilayon man nga nagsungka ang suspek sa PNP apang nagpirma sang affidavit of no interest ang himata sang suspek bangud nga away pamilya ang natabo.