Ginpasira na ang computer shop sa Brgy. Handumanan sa Bacolod City nga ginsulod sang mga hold-up suspects sang nagligad nga adlaw bangud natukiban nga wala ini sang business permit.
Ini suno sa officer in-charge sang Police Station 10 nga si P/Capt. Lelanie Lagoting.
Suno kay Lagoting, natukiban nga wala sang business permit ang computer shop sang nagpatigayon sang imbestigasyon ang PNP kasunod sang natabo paghold-up sa mga customer nga nakuhaan pa sang CCTV footage.
Dugang pa ni Lagoting, tubtob subong wala nagpa-blotter ang tag-iya sang shop sa natabo sa sulod sang iya nga computer shop.