70 anyos nga babaye nga pasahero patay, 16 pa ka pasahero pilason sa pagbungguanay sang tatlo ka mga tricycle sa siudad sang Victorias.
Nagkarambola ang tatlo ka mga nagasinundanay nga tricycle sang nagluntad ang pagbungguanay sa Osmeña Avenue kahapon.
Suno kay Victorias City PNP Deputy Chief of Police Major Joy Ellaga, sakay sa tricycle ang 70 anyos nga lola sang mabungguan sila sang isa ka nag-overtake nga tricycle nga ginamaneho sang 31 anyos nga drayber.
Sa kakusog sang pag bunggo nahulog ang biktima sa tricycle kag nag angkon sang mga pilas sa ulo kag lawas nga nag resulta sa iya kamatayon.
Nagbunggo man ang tricycle nga ginasakyan sang biktima sa isa pa ka tricycle nga ila ginasundan.
16 tanan ka mga pasahero ang nasamaran kalabanan sa ila mga estudyante.
Na detain man ang 31 anyos nga drayber nga natalana pasakaan sang kaso nga reckless imprudence resulting in homicide kag multiple physical injuries.