Patay ang 42 anyos nga amay nga si Jose Remy Pabores samtang nakaluwas naman sa pagpaniro ang iya 14 anyos nga anak sang Lune sa Barangay Camalanda-an sa banwa sang Cauayan.
Sa imbestigasyon sang PNP, nagalakat lang si Pabores upod ang iya anak sa balay sang iya utod sang siya ang gintiro sang makapila ka beses sang suspek nga si Joel Epogon.
Nag tinguha pa magpalagyo ang mag amay pero naigo sa likod sang maka duha ka beses si Pabores nga iya ginkamatay. Wala naman masamaran ang menor de edad.
Daan nga pag dinumtanay ang gina tan-aw sang PNP nga motibo sa pagpatay sa kay Pabores.
Ginahibalo man sang PNP kun katapo sang Epogon Robbery Group ang suspek nga may kaso man sadto nga illegal possession of firearms.