Pagsamput mo pa lang sa eskwelahan, gina kuhaan ka na sang body temperature kag gina pa hugas sang kamut.
Ini ang classroom kun sa diin patigayunon ang limited face to face classes sa Lunes para sa Grade 12.
Beinte lang anay ka mga estudyante ang i akumodar. Mga senior high school students sa idalom sang
Landscape installation and maintenance sang technical vocational and livelihood nga strand.
Isa sa mga estudyante nga naupod sa limited face to face classes si John Dave Lara, madamo siya kuno sang natun-an ilabi na sa time management sang naga module siya pero lain gid ya kuno ang pag eskwela kun face to face na.
Sa sulod sang classroom may 2 meters nga distantsya sa isa kag isa ang mga pulungkuan. May kaugalingon nga banyo kag may area para sa mga ginikanan nga may mga concern.
Suno sa officer in charge prinicpal 2 sang Alangilan National High School nga si Veneranda Ortoño, fully vaccinated na ang tanan nga faculty kag staff sang eskwelahan, ang mga estudyante nga napilian para sa pilot testing ang mga nabakunahan naman. Mga residente lang sang Alangilan.
Duha lang ka beses sa kada semana maga sulod sa klase ang mga estudyante sa sini nga course kag tubtob lang sa udto ang klase.
May puertahan para sa entrance kag may puertahan man para sa exit ang kada classroom para indi mag dinaguso.
Contact center services naman ang kurso sang second batch nga beinte man sa gihapon ka mga estudyante kada huwebes kag biyernes naman sila maga sulod sa eskwelahan.
Dugang pa sang school principal, malawig na ang gina himo nila nga preparasyon para sa limited face to face classes.
Sila mismo gina budlayan sa modular nga klase ilabi na nga malagyo pa ang gina pulian sang mga estudyante. May mga estudyante sila nga taga Murcia pa kag taga Talisay City.
Wala man sang internet connection sa eskwelahan gani mismo ang mga teachers ang naga pangita pamaagi nga mapa hapos sa ginikanan ang pagkuha sang module.
Indi man kuno pwede nga mentras tanto masalig na lang sa module ang pagtuon sang mga estudyante kag indi man sa tanan nga ti-un mga estudyante ang naga answer sa module gani lain gid kun sa classroom ginpatigayon ang pagtudlo.
Gina hulat na lang sa karon ang approval ni Mayor Evelio Leonardia kag sang Bacolod Emergency Operatons Center para madayon ang face to face classes sa Lunes.
Ang anhs lang sa bacolod ang nadala sa mga eskwelahan nga makapatigayon sang limited face to face classes. Napulo naman ka eskwelahan sa Negros Occidental.
Ang Barangay Alangilan ang duha na ka bulan nga wala sang Covid 19 cases.