Ginahulat karon sang Silay City PNP ang resulta sang evaluation of documents sa mga affidavits nga ila ginpasa sa Prosecutor’s Office, may angut sa kaso sang mag-utod nga Bornales nga ginpanglampusan sang bato sa ila balay sa Brgy. E. Lopez sadtong Pebrero 7, 2026.
Ginsiling ni Police Captain Judesses Catalogo, spokesperson sang Negros Occidental Police Provincial Office, nalakip sa ginpasa nga affidavits amo ang testimonya sang mga saksi kag sang ginikanan, nga amo ang complainant sa kaso.
Suno kay Catalogo, gina-evaluate sang Prosecutor ang material value sang unod sang mga testimonya. Ila karon ginahulat kung ano ang mangin comment kag requirement sang Prosecutor sa kapulisan sang Silay, may angot sa pag-file sang kaso.
Enkaso nga nagakaigo na ang mga dokumento, magapadayon na sila sa pag-file sang kaso batuk sa mga suspek.
Sa karon, indi magnubo sa duha ang ginalantaw nga “persons of interest” sang kapulisan.
“Bali gina-evaluate nila, amo na ang ginahulat naton subong kun ano ang ila comment kag requirement sa aton kapulisan dira sa Silay in relation sa pag-file sang kaso.. Kun mag require sila another naman or collect some evidence, especially sa legality sang pag acquire, himuon sang aton kapulisan”, suno kay Catalogo.
Sang Domingo, ginlubong na ang napatay nga si Desiree, 9-anyos, samtang ang iya 14-anyos nga magulang nga babaye kag 3 ka tuig nga manghod nga lalaki ang padayon pa nga ginabulong.
Samtang, gobyerno probinsyal ang maga hatag sang P
120,000 nga bulig sa pamilya paagi sa iloy.*
[sibwp_form id=1]