Shadow

Admission sa ospital sa Sagay suspendido bangud yara na sa full capacity

Temporaryo nga gin-suspend sang Alfredo E. Maranon, Sr., Memorial District Hospital sa Sagay City ang pagbaton sang admission, magluwas na lamang sa extreme emergency cases.

Suno kay Atty Ryan Bonghanoy ang City Administrator sang Sagay, puno ang ospital nga may 25 bed capacity lamang sa karon.

May tion nga nagdangat sa 120 ang ila nga admission pero sa karon ini ang tigayon na nga nanaog sa 88.

Wala labot suno sa iya, nga ang ospital nga gina manage na sa karon sang Sagay City, ang naga cater sa mga pumuluyo gikan man sa mga kaiping nga siudad kag banwa, may pagsaka sa karon sa kaso sang gastroenteritis  rason man nga nag dangat sa full capacity ang ospital.

Ang kaso sang gastroenteritis ang gina pausisa man karon sa City Health Office suno kay Bonghanoy.

“Ang amon City Health (Office) amon naman gin pa investigate on what caused sang amo sina”,  suno kay Bonghanoy.

Samtang, gina abisuhan nila ang mga pasyente nga naga padulong sa ila nga ospital nga kun indi man lamang emergency cases nga  sa iban nga ospital nga malapit man sa ila mag pabulong.

Suno kay Negros Occidental Governor Eugenio Jose Lacson, kun kinahanglan gid, mag coordinate ang tagdumalahan sang ospital sa probinsya para mahatagan sang referral.

“Sa amon group chat nag-declare naman full capacity si Escalante, Vicente Gustilo. Kag ang amon di isa ka private hospital, ang LODIFHI, same man. Sari-sari,  gastro, siguro off-shoot pa sang  mga  selebrasyon”, suno kay Bonghanoy.

Secured By miniOrangeSecured By miniOrange