Siyam ka pulis nga na assign sa Police Station 1 sa Bacolod ang ginpang quarantine matapos mag positibo sa COVID-19.
Pero suno kay Police Major Ramel Sarona, pamuno sang Police Station 1, ang ini nga mga pulis ang tanan yara na assign sa gwa sang police station kag wala sila naga tiner sa Station 1.
Pito sa diri suno kay Sarona ang police trainees kag na assign bilang beat patrollers. Ang ila field training officer suno kay sarona ang una nga nag positibo kag sila ang nalatanan.
Isa naman sa nag positibo ang pulis nga gin augment gikan PRO 6 kag na assign sa quarantine facility. Nalatnan naman siya sang iya misis suno kay Sarona.
Magluwas sa siyam nga nag positibo sa Police Station 1, may duha pa ka personnel sang bacolod city police office nga nag positibo suno naman sa PIO sang BCPO.
Isa ang na assign sa traffic division kag isa naman ang sa police station.
Samtang, 24 naman sa karon ang active cases sa Negros Occidental Police Provincial Office.
Siyam sa diri ang suno sa NOCPPO na assign sa Toboso PNP.
70 ang total COVID-19 cases sa NOCPPO kag 46 naman sa BCPO.