Shadow

Mga taga Negros Occidental nga magapauli sa probinsya ginapasugat sa ila tagsa ka LGU

Capitol photo

Karon nga bukas na ang Western Visayas sa pagbaton sang mga gikan sa NCR plus, Cebu kag Davao, gina sulit sang probinsya nga aproved spass kag verified StaySafe account ang kinahanglan sang mga magasulod sa Negros Occidental.

Suno kay Atty Rayfrando Diaz ang provincial administrator ang mga incoming traveller ukon naga pasulod sa probinsya ang dapat nga maga coordinate sa ila tagsa ka padulungan nga lgu para sa spass kag verified StaySafe account.

Gina ayo man ang mga magasulod sa Negros Occidental para sa voluntary swabbing.

Suno kay Diaz may team ang probinsya sa airport kag seaport para magpatuman sang swab test kag ang mga molecular laboratories ang na abisuhan na nga priority ini kag ang target amo nga ma release ang ila nga mga swab test result sa 24 ka oras.

Maga pabilin sila sa quarantine facility sang LGU ukon probinsya tubtob nga mag gwa ang ila nga resulta. Sa airport ukon seaport ang LGU nga padulungan sang traveler amo na mismo ang magasugat sa ila.

Damlag pa ginsiling ni Governor Eugenio Jose Lacson nga pangitaan sang negative rt pcr test result ang mga maga biyahe nga indi magpaidalom sa voluntary swab test.

Suno kay Diaz kuntani mahangpan sang tanan ang importansya nga sa pag abot pa lamang ma pat od na kun positibo ukon negatibo sa virus ang isa ka traveler.

Sa karon puno na ang mga quarantine facilities suno kay Diaz. May 40 naman ka mga na admit sa ospital sa Cadiz kag 20 ang sa Valladolid suno kay Diaz.

Secured By miniOrangeSecured By miniOrange