Bisan wala na sang tingug kag bisan pa sa iya ulihi na nga pag ginhawa, “Papa” Sa gihapon ang gina tikab sang baba sang siyam ka tuig nga anak ni Baby Jean Caldino samtang yara sa ospital.
May pilas sa ulo ang bata tuga sang paglampus sang bato.
Biyernes wala na maka pauli ang bata sa ila nga balay.
Na ayawan na sila ka pangita kag sang ulihi may naka panugid nga may soltero nga nag bitbit sa iya.
Ang gina tumod nga soltero amo ang abyan sang iya amay nga nag ayo nga magtulog sa ila balay sa Barangay Banago sang Huwebes nga si Sherwin Trava.
Sabado nagpadulong sa bago pnp si trava kag nagpanugid sa pulis nga may bata ini nga ginbilin sa bakante nga lote sa Zircon Street, City Heights Subdivision sa Bacolod City.
Suno sa kay Major Leo Estopa, commander sang Police Station 6, ginkadtuan gilayon sang mga pulis ang lugar kag na kumpirma nga may bata nga ginbilin diri. Naga ginhawa pa ang bata sang
maabtan sang rescuers gani gin hingagaw ini dala sa ospital Sabado sang hapon.
Istorya sang naga tiangge sa tabok sang crime scene, Sabado sang kaagahon may naga tricycle nga naga balik balik sa lugar pero indi maka panaog ang naga dala sini kay may lalaki nga nagub-an sang motor sa gwa sang ila kapehan.
May naka panugid man sa ila nga naga istambay na sadto pa sa ila nga tiangge ang suspek. Kag sa sini nga bakante nga lote niya man gina dala ang iya sini nga nobya.
Kaina mga las tres sang kaagahon nagtliwan ang bata. Siling sang iya iloy, naga tinghua pa ang bata nga mabuhi. Naga tulo ang luha sang bata samtang gina pump pero malala na ang iya nga kondisyon.
Biyernes pa siya gindala sa bakante nga lote kag sabado sang hapon na siya nasapwan.
Kaso naman nga rape with homicide ang gina handa sang pulis batuk kay trava nga nagpamalibad na nga magpa interview.