Probinsya sang Negros Occidental kag siyam ka mga banwa ang nag lagda sang Memorandum of Agreement para sa operation sang clustered nga sanitary landfill sa banwa sang La Castellana.
Sa idalom sang RA 9003 ukon ang Ecological Solid Waste Managment Act of 2000 ang mga local government units ang gina require nga dapat may yara sang kaugalingon nga sanitary landfill individually ukon clustered.
Ang MOA ang ginlagdaan sang mga alkalde sang La Castellana, Pulupandan, Valladolid, Pontevedra, Moises Padilla, Isabela kag mga lokal nga opisyales sang San Enrique, Hinigaran kag Binalbagan.
Suno kay Forester Vicente Losbañes ang OIC-Regional Director sang Environmental Management Bureau ang Negros Occidental amo ang nag bakal sang mga equipment kag machine nga kinahanglanon para sa pag-operate sang amo nga sanitary landfill. May sharing naman sa banwa sang La Castellana bahin sa iban nga financial nga aspeto kag sa personnel.
Residual waste na ang ihaboy diri. Sandig sa MOA maga bayad sang tipping fee ang mga LGU para maintenance kag sweldo sang mga naga segregate sa sanitary landfill.
Ginsiling ni Atty Julie Bedrio ang PEMO head sang Negros Occidental, 13 ang mga LGU sa probinsya ang may yara na sang sanitary landfill kag sa dugang nga siyam naga kasayuran nga mangin 22 na sa 31 ka LGU ang may yara sang required nga sanitary landfill. Ang Bacolod nga highly urbanized city may yara sang sanitary landfill.
[sibwp_form id=1]