Ang tagsa ka Police Station sa Bacolod ang may kaso na sang COVID-19, ini ang gin pahayag ni Police Lieutenant Liberty Indiape, spokesperson sang BCPO, matapos gin paidalom sa surveillance testing ang mga 751 ka kapulisan sa Bacolod ilabi na ang mga na assign sa police stations.
Ang Police Station 4 amo ang may pinakadamo nga kaso sang COVID-19. 15 karon ka pulis nga na assign sa Police Station 4 ang nag positibo sa virus.
May dugang man nga tatlo ka kaso sang COVID-19 ang BCPO subong nga adlaw suno kay Indiape.
Nagdangat na sa 75 ang active cases sang COVID-19 sa karon sa kapulisan sa Bacolod.
Pero gin pahayag ni Indiape nga padayon sa gihapon ang operation sa mga police stations kag wala sang may gin lock down nga station pero ila lang gina limitahan ang maka sulod diri.
May gin augment naman nga mga pulis ang BCPO sa mga police stations.