Shadow

Active cases sang COVID-19 sa Negros Occidental nagsobra na naman sa 2,000

Balik sa masobra dos mil dos sientos ang active COVID-19 cases karon sang Negros Occidental.

Sadto nag panaog na ini sa masobra sa mil otso sientos. Suno kay Governor Eugenio Jose Lacson, may mga recoveries man matuod ugaling mas madamo ang bag-o nga mga kaso nga nagaka record sang sa mga naga recover.

As of May 2, 5pm, sa record sang Provincial Incident Management Team, 2,224 ang active COVID-19 cases. Pito ka LGU ang may 3 digit active cases.

343 ang iya sang San Carlos nga sa gihapon pinakamataas. Damlag pa gin classify na sang Department of Health ang probinsya bilang low risk area sang amat amat nga nag panaog ang COVID cases sini.

Samtang, pahanumdom naman sang gobernador sa LGU nga gina dumilian ang bulang sa karon. Ang ginatugutan lamang ang online sabong. Ang isa ka derby nga ginpatigayon sadto ang gina tudlo sang mga LGU nga isa sa mga rason nga pag timbuok sang ila nga kaso.

“We have more new cases than recoveries. Like yesterday triple digit ang recovery, triple digit man ang new cases. I am just calling lang, ang mga bulangan supposed to be closed, only e-sabong is allowed. Very clear that our second wave spreader was also because of the face to face bulang,” suno kay Lacson.

Leave a Reply

Your email address will not be published. Required fields are marked *

Secured By miniOrangeSecured By miniOrange