Shadow

250 ka mga balay sa Cadiz City gin lockdown para sa contact tracing

Cadiz LGU photo

250 ka mga balay sa isa ka barangay sa Cadiz City ang ginpaidalom sa lockdown.

Suno kay Mayor Salvador Escalante, nagsugod kahapon ang lockdown kag mahimo magalawig ini sa sulod sang pito ka adlaw.

Suno sa alkalde, ginpaidalom sa lockdown ang Purok Mainoswagon Barbas 2 sa Barangay Zone 2 para mas mangin mahapos ang contact tracing. Sa amo lang nga barangay suno kay Escalante may onse ka nag positibo.

Sa karon may 44 ka active cases ang siudad, 20 diri ang lsi, kag 24 ang local transmission. Halos katunga sa local transmission cases ang gikan sa lugar nga ginlockdown.

Suno kay Escalante, isa ka persona sa kada balay ang ipaidalom sa random swab test. Kag kun mag positibo ang mga kauapod sini nga nagapuyo sa balay ang ipaidalom sa swab test.

Bwas gina lauman ang resulta sang ginpatigayon nga swab test. Mangin amat amat naman ang paghalog sa lockdown, depende sa mangin resulta sa swab testing nga ginpatigayon.

Ang siudad ang naghatag saang food assistance sa mga apektado.

Leave a Reply

Your email address will not be published. Required fields are marked *

Secured By miniOrangeSecured By miniOrange