Patay si Jaime Perido, 67-anyos samtang pilason naman ang iya apo nga si Maverick John Padayao, 18-anyos matapos nabunggo ang ila ginasakyan nga awto sa Ceres bus sa National Highway sang Purok Gumamela, Barangay Calumangan, Bago City, Lunes sang aga.
Sa imbestigasyon sang Bago PNP, south to north nga direksyon sang awto sang naglapaw ini sa pihak nga lane sang highway kag nalab-ot ang nawala nga bahin sang Ceres bus nga ginamaneho ni Juderic Satur.
Nagbalang-balang ang awto kag nabunggo sa puno sang paho sa kilid sang dalan kabangdanan nga nakaangkon sang samad ang mag-lolo sa nagkalain-lain nga bahin sang ila nga lawas.
Ginhingagaw pa dala ang mga ini sa Bago City Hospital apang gindeklarar nga dead on arrival si Perido.
Samtang nagsungka naman sa PNP ang driver sang bus.