Pito ka mga na-stranded nga construction worker sa Palawan na-rescue kag nakapauli na sa Bacolod.
Nagligad lang nga semana sang naghinyo sang bulig ang pito ka mga na-stranded nga Negrense nga nangayo trabaho bilang construction worker sa Palawan.
Marso 26 sang nagbiya sila sa Bacolod. Pero sang ara na sa ulubrahan, lain ang nangin pasalig nga trabaho kag sweldo sang ila recruiter sa ila gindangatan.
Gani sang makalab-ot ini kay Congressman Greg Gasataya, gilayon nga napatigayunan ang pagpapauli sang pito ka mga construction worker.
Kaina, Lunes sang aga, sang mag-abot ang mga na-rescue nga construction worker.
Apat sa ila mga taga Barangay Mansilingan. Sila ang gilayon nga gin abi- abi kag gintagaan sang bulig ni Mansilingan Punong Barangay Franz Tionko.
Gani ang ila kakapoy kag pagpangabudlay ang temporaryo nga nabuhinan. Napatigayunan man ang pagpauli sang duha pa nga taga-banwa sang Murcia kag isa sa Binalbagan.