Shadow

7 ka mga Negrense na qualify sa national team sang Philippine National Volleyball Federation

Pito ka mga Negrense ang napili-an nga mangin kabahin sang national team sang Philippine National Volleyball Federation.

Isa ka virtual press conference ang ginhiwat sini nga hapon sang PNVF kun sa diin ila ginpagwa ang mga ngalan sang mga players nga mangin kabahin sang national team nga magatiglawas sa pungsod sa nagkalain-lain nga mga international tournaments sa hampang nga volleyball.

Kabahin sang women’s beach volleyball nanday Alexa Polidario, Erjane Magdato kag Jennifer Cosas.
Nalakip man sa juniors boys beach volleyball nanday Alexander Iraya kag Jayrack dela Noche.
Nadala man si Leo Ordiales sa men’s volleyball team.

Ginpatigayon ang tatlo ka adlaw nga try outs sa Subic Bay Freeport Zone sang nagligad nga Abril 28 tubtub 30.

Ang national team ang magapaidalum sa lima ka bulan nga training sa nagkalain-lain nga mga lugar sa pungsod nga pagahimuon nga isa ka training bubble.

Sa amo nga presscon ginlunsar man ang official website sang PNVF.

Suno kay PNVF president Ramon Suzara, dako ang mabulig para sa team sang mga players nga gikan sa mga probinsya kag pamatuod nga madamo sang may abilidad sa volleyball sa iban nga bahin sang pungsod.

Leave a Reply

Your email address will not be published. Required fields are marked *

Secured By miniOrangeSecured By miniOrange