6th District Board Member Valentino Miguel “Macho” Alonso tuyo nga magpapili bilang alkalde sa siudad sang Kabankalan.
Sa interview sang media kay Board Member Alonso kaina sang aga, iya ginsiling nga damlag pa iya na nga napahayag nga luyag niya magpapili bilang alkalde sang Kabankalan.
Iya ginsiling nga iya naman ini na talakay upod kay anay Mayor Isidro Zayco nga ginbalita man nga mahimo nga magpapili bilang alkalde sang siudad sa 2025.
Indi pa luyag ni Alonso nga mapatpat ang tanan labi na nga may yara sang dapat man talakayon sa partido.
Katapo sang United Negros Alliance kasubong man Nationalist People’s Coalition si Alonso.
Si Zayco naman katapo sang Love Negros kag NPC.
“(it’s a 3-cornered fight, will it not be difficult?) well it could be four, it could be five. It’s a free world. Damo nag express desire to run. At the end of the day mabal-an mo ang actual by October. Yes, I’m UNegA. Amo na gani there’s a lot of things to be discussed at the party level. I don’t want to pre-empt or anything else. Daw ka uncalled for na mag pre-empt ko sa ila. But I have expressed by desire to run”, suno kay Alonso.
Ginsiling kahapon ni Vice Governor Jeffrey Ferrer nga presidente sang UNegA nga indi pa sila makatugda sa matabo sa Kabankalan pending sa final decision sang kaupod nila sa partido.
Ginsiling man kaina ni Governor Eugenio Jose Lacson nga katapo sang Love Negros nga gina hulat pa nila ang final decision man.
Natalana pa nga mag sapol ang Love Negros para sa plano sa 2025 suno kay Lacson.