Nangompra halin sa Cauayan Public Market ang mag-asawa sang sila ang ginbantayan sang mga armado nga mag-abot sa ila gina-istaran sa Sitio Gabok, Purok 7 sa Barangay Basak, banwa sang Cauayan, Negros Occidental sang Lunes .
Sa imbestigasyon sang Cauayan PNP, ginpapanaog ang 68-anyos nga biktima sa tricycle, ginkompronta sang tatlo ka mga armado kag gintiro.
Nakaangkon sang igo sang bala sa nagkalain-lain nga bahin sang iya lawas ang biktima, nga isa ka mangunguma kag nagadumala sang duta nga ginapanag-iyahan sang isa ka pribado nga persona.
Nakuha sa crime scene ang mga empty shells sang M16 kag AK-47 rifles.
Ginsiling Police Lt. Col. Norberto Barniso, hepe sang Cauayan PNP, pila sa mga motibo nga ila ginalantaw amo ang land conflict kag ang gin-alegar masami nga pagpalupok sang biktima sang pusil sa lugar.
Nakabaton sang report ang PNP nga may pusil ang biktima kag nagapalupok sa lugar, rason nga sila ang nag-imbestigar kag nag-apply sang search warrant para sa illegal possession of firearm nga kaso.
Natigayon ang pag-implement sang search warrant kag nakuhaan sang armas ang biktima ugaling nag-lapse ang reglementary period kag gin-release ang biktima.
Suno kay Barniso, nahulog sa regular filing ang kaso kag sini kuntani manugwa ang warrant of arrest sang biktima.
[sibwp_form id=1]