Shadow

65 COVID-19 deaths sa Negros Occidental ginreport sang weekend

Amat-amat sa karon ang pagnubo sang active Covid-19 cases sang Negros Occidental nga subong yara sa masobra sa 3,600.

Mga halos duha ka semana ang nagligad, masobra sa 4,400 ang active Covid – 19 cases. Pero bisan pa, suno kay Governor Eugenio Jose Lacson dapat magbuylog ang tanan para mapamatukan ang paglapta sang Covid-19 cases sa probinsya.

Sang weekend, 65 ang na record napatay bangud sang virus. Sa record sang Provincial Incident Management Team 38 ang na report patay sang Sabado, 27 naman sang Domingo.

Paathag sang gobernador, ang gina report covid related deaths cumulative. Buot silingon, natingub. Ini bangud antes pa man ma deklara nga Covid related death ini ang may gina sunod man nga protocol gikan sa DOH.

Samtang, nag abot na ang anum ka mga ambulance with exhaust and negative pressure equipment nga gin bakal sang probinsya.

Sa negative pressure ambulance nagakasayuran nga ang pasyente nga infected sang Covid 19 ang gina isolate agudto malikawan ang paglapta sang virus gikan sa pasyente sa katapo sang medical team nga yara sa ambulance. Suno kay Lacson, ini ang paga gamiton sa 911 quick response, sa Silay, Cadiz, Valladolid, La Carlota kag Kabankalan.

Leave a Reply

Your email address will not be published. Required fields are marked *

Secured By miniOrangeSecured By miniOrange