Dugang nga anum pa ka mga persona ang sarang mapasakaan sang kaso sang madakpan nga nag-gamit sang peke nga vaccination card sa ila pag-abot sa Bredco port.
Suno kay Em Ang, executive director sang Emergency Operations Center, ang lima sa ila nga nag-abot sa Bacolod ang mga trabahador sang isa ka milling company kag ang isa taga-siudad sang Bago.
Gintugyan na sang EOC ang insidente sa City Legal Office agud mapasakaan sang reklamu ang anum ka mga persona.
Samtang, separado naman nga ginahanda sang City Legal Office ang kaso nga falsification of public documents batuk sa apat ka mga persona nga taga-sagay nga una nadakpan nga nag-gamit sang peke nga vax card sang siudad.
Tungod sang hitabo mas naka-alerto karon ang mga monitoring team sang eoc sa mga seaport kag bisan sa bacolod silay airport ilabi na nga ginapaabot ang pagdagsa sang mga magapauli karon nga bulan sang paskwa.
Gindugang ni ang nga madamo ang nagapasimpalad nga i-peke ang mga vax cards bangud man sang mga dugang nga pribilihiyo nga ginahatag sang pila ka mga commercial establishment.
Pero maid-id nga gina-usisa sang EOC ang mga vax card nga kabahin sa mga requirement sa S-Pass kag mahapos man nila mahibaluan kun peke ang dokumento bangud encoded ang mga data sang mga nagapabakuna sa Bacolod.