Tubtob sa karon wala giyapon gintugutan ang pag gamit sang anum ka mga building sang Gil Montilla National High School sa Sipalay City.
Ini suno kay Dionilo Bogtae ang Disaster Risk Reduction Management coordinator sang Sipalay pending sang pag patigayon sang structural integrity validation sang amo nga mga building sang Department of Public Works and Highways.
Suno kay Bogtae, ginpatuman lang anay ang alternative mode of learning para sa mga estudyante nga naga gamit sang sini nga mga building.
Kag ang iban naman gin pagamit na lamang sa iban man nga hulot nga libre ukon bakante.
Gin paiway ang pag gamit sang anum ka mga building sa amo nga eskwelahan matapos makit-an ang mga cracks kasunod sang 5.1 magnitude nga linog sadtong October 7.