May 57 ka mga establisimiento ang gin inspect sang Provincial African Swine Fever Task Force sang nagligad nga semana.
Ini sa pagpasiguro nga ang mga ini naga comply sa mando nga pag dumili sang pagbaligya sang pork kag pork meat products nga gikan sa mga lugar nga may yara sang ASF cases.
Suno kay Dr. Renante Decena, provincial veterinarian, may anum ka mga establisimiento nga naga display sang pork and beans kag sausages kag iban pa nga produkto nga gina dumilian kag ini ang gin pakuha na gikan sa display.
Samtang, masobra sa 43 mil pesos ang balor sang mga nakumpiskar nga pork kag pork meat products gikan sa airport kag seaports.
Samtang humalin naman sa Enero tubtob Disyembre 27 sini nga tuig masobra sa 35,000 tons ang nakumpiska kag ini ang naga balor sa 5.5 milyones pesos. Kag ini ang na dispose na sang probinsya.
May pagsaka naman sa demand para sa locally produced pork meat products bangud san gina patuman nga ban.