Masobra sa 5,000 ang na record nga teenage pregnancies sa probinsya sang 2023.
Pinaka huben nga nag bun-ag sang bata sa record sang Provincial Health Office, 12 anyos.
Suno kay Dr Girlie Pinongan ang Provincial Health Officer, may 35,628 ka mga Nagbulusong sang 2023. 5,271 diri teenage pregnancies.
Kun ipaanggid sa datus sang 2022, mas nag nubo ang kadamuon sang nagdala kasubong man teenage pregnancies sang 2022.
Total pregnant mothers sang 2022 nagdangat sa 39,411 kag 6,026 diri ang teenage pregnancies.
Suno kay Pinongan, kalabanan sa mga pamatan-on nga nagbulusong mga out of school youth.
“Younger, younger pa gid. We have patients nga, pregnant mothers as young as 12. Gapabata kami sa hospital. Out of School Youth laban”, suno kay Pinongan.
Ang banwa sang Don Salvador Benedicto suno sa PHO ang isa sa may mataas nga kaso sang teenage pregnancies.
Masobra sa 50 porsiento sa na record nga pregnancies sa banwa ang teenage pregnancies suno sa PHO base man sa nabaton nila nga impormasyon.
Ang panan-awan sa pagpangabuhi kag palaabuton sang natungdan nga mga pamatan-on ang isa man sa mga naga impluwensya sa sining teenage pregnancies suno sa PHO.
Mas gina pabaskog ang kampanya sang reproductive health suno kay Pinongan sa mga eskwelahan.
“Gin pa intensify ta gid. Ina nga mga kabataan wala nagakadto sa health centers. Nagapanago man ang iban. Ang iban ga school na pa sila. Gina advocate ta na even sa school. Gina encourage ta gid na ang aton reproductive health nga i-involve ang mga eswelahan para ma intindihan sang kabataan”, suno kay Pinongan.