One lane ang ginbuksan na sa ginakaayo nga Sum-ag Bridge 1 para sa mga nagabyahe nga motorista pa sur.
Humalin sang nagligad nga semana naga gutok ang lakat sang trapiko sa Barangay Sum-ag tuga sang pagsira sang ginakaayo nga Sum-ag Bridge 1.
Pero humalin kaina naghagan-hagan na ang pag guot sang mga salakyan sang ginbuksan sang DPWH Bacolod ang isa ka lane para sa mga nagabyahe pa sur.
Ginahulat na lamang karon sang Bacolod Traffic Authority Office ang malapit duha ka semana nga curing period sa gin semento nga bridge expansion project agud hilway nga paagyan ang taytay sa mga motorista.
Ang BTAO nagtalana man sang dugang nga traffic personnel agud magbulig sa trapiko ilabi na kun peak hours.