Peace covenant signing sang mga local candidates sa Bacolod natalana sa Marso 18.
Makatlo na ka beses nga nagpatigayon sang Oplan Baklas ang Bacolod-Comelec kaupod ang Bacolod City Police Office, Department of Public Works and Highways kag City Engineer’s Office.
Kadam-an sa mga illegal campaign materials sang mga senatorial candidates kag partylist organization ang napangkakas kag na-issue na sa mga natungdan ang mga notices gikan sa Comelec Main Office.
Ginsiling ni City Election Officer, Atty. Revo Sorbito, wala pa nasugdan ang pagpang-baklas sang mga campaign materials sang mga local candidates nga napamutang sa indi designated common poster areas bangud wala pa makasugod ang local campaign period.
Liwat naman siya nagapahanumdom sa mga kandidato nga magatambong sa natalana nga peace covenant signing.
Ginapaabot na sang COMELEC nga sa pagsugod sang local campaign period sa Marso 28 mas madamo nga illegal campaign materials ang sarang makumpiskar.
Gani nagapangabay na sila sa mga local candidates kag sa mga supporters nga magsunod sa guidelines agud malikawan ang posible pagpangatubang sang kaso may kaangtanan sa pagsupak sa Omnibus Election Code.