Shadow

5 ka mga munisipyo ginsirado subong nga adlaw para sa disinfection

Lima ka mga munisipyo sa probinsya ang nagsira ukon gin lockdown para sa disinfection kasubong man pagtpatigayon sang contact tracing.

Lunes tubtob Martes sirado ang Talisay City Hall.

Ini kasunod sang pagpositibo sang isa ka empleyado nga na assign sa Talisay City Public Market. Sya nag naka bisita sa City Hall.

Ginmando naman ni Himamaylan City Mayor Raymund Tongson nga damlag pa nagpositibo sa COVID-19, ang lockdown sang city hall kag mga barangay health center sa sulod sang pito ka adlaw. Nag sugod ini sang Sabado.

Sirado man ang munisipyo sang banwa sang La Castellana Lunes tubtob Miyerkules.

Suno kay Mayor Rhumyla Nicor Mangilimutan may empleyado ang banwa kag pila ka barangay official ang nagpositibo sa COVID-19.

Sirado man subong nga adlaw tubtob bwas la una sang hapon ang munisipyo sang Pulupandan para sa disinfection sandig sa pahayag ni Mayor Miguel Pena.

Gin palawig naman sang siudad sang bago ang pagsira sang munisipyo sini tubtob Abril 18.

Suno kay Mayor Nicholas Yulo, kinahanglan ang pag extend sang temporaryo nga pagsira para sa nagapadayon nga contact tracing.

Sang Sabado lamang 46 ang na record nga bag o nga kaso sang COVID-19 sa Bago.

Masobra sa katunga diri suno kay Yulo mga empleyado sang siudad kag Bago City Hospital.

As of April 11, 33 ang nag positbo sa COVID-19 sa mga empleyado lamang sang bago city hospital, mga asymptomatic suno sa alkalde. Sirado ang bago city hospital tubtob man Abril 18. Indi maka baton sang admission ukon emergency cases karon.

Ginmando ang pagsira sang bantayan park lakip na mga kalan an nga yara diri. Bukas ang iban nga kalan an sa Bago para sa take out lamang tubtob man sa Abril 18.

91 ang active COVID-19 cases sang Bago karon.

Leave a Reply

Your email address will not be published. Required fields are marked *

Secured By miniOrangeSecured By miniOrange