Shadow

6 ka mga empleyado sang kapitolyo nag positibo sa COVID-19

Ipatuman sang probinsya ang 4 day work week sa Kapitolyo Probinsyal.

Nagpa gwa na sang memorandum si Governor Eugenio Jose Lacson nga naga mando sang gilayon nga pagapatuman sang four day work. 

Nagakasayuran nga Lunes tubtob Hwebes bukas ang talatapan kag sirado naman kun Biernes tubtob sa kun san-o ma lift naman ang amo nga mando. 

Sini lamang may anum ka mga empleyado sang probinsya ang nagpositibo sa COVID-19.

Suno kay Lacson sa sunod sunod nga tig tatlo ka digit ang naga dugang nga active casses sa probinsya makabig niya nga indi safe sa karon ang Negros Occidental.

Pero iya man ginklaro nga wala sang ECQ ukon lockdown nga ipatuman. Una suno sa iya indi na masarangan sang ekonomiya, wala naman sang Bayanihan fund. Kun may lockdown man ini granular ukon sa natungdan lamang nga lugar nga apektado sang pagsaka sang COVID-19.

“For days now we have a triple digit increase in the province. I will even venture to say it is not safe in negros occidental at the present times. But we can do something about it. I-clarify ko ni no, we will not have an ECQ, we will not have a total lockdown. Indi na naton na masarangan. Our economy cannot afford that,” suno kay Lacson.

Leave a Reply

Your email address will not be published. Required fields are marked *

Secured By miniOrangeSecured By miniOrange