Shadow

Travel ban liwat ipatuman sumugod Abril 13

Travel ban gikan sa mga lugar sakop sang NCR Plus, Davao kag Cebu City padulong sa western visayas ang magasugod bwas nga adlaw kag magalawig tubtob sa Abril 19.

Bukas naman ang gobernador sa lihok sang Iloilo nga limitahan ang biyahe sa tunga sang Negros kag Panay.

Duha ka commercial flights gikan Cebu kag Manila kag isa ka trip sa barko gikan Manila ang na schedule subong nga adlaw. Ipaidalom sa voluntary swabbing ang mga maga abot suno kay Zeaphard Caelian ang pamuno sang Provincial Incident Management Team.

Ang 228 naman ka mga OFW nga nag abot sang domingo tanan napaidalom sa voluntary swabbing.

Bwas pa maga sugod ang isa naman ka semana nga travel ban padulong sa Western Visayas gikan sa mga lugar sakop sang NCR Plus, Davao kag Cebu. Exempted diri ang mga OFW. Nalakip sa gin aprobahan sang NIATF sa travel ban amo ang mga returning residents kag authorized person outside residence kun ibase sa sulat nga damlag pa ginpadala ni mayor Jerry Trenas sang Iloilo City.

“Gahulat pa kami implementing guidelines sang dilg. Based sa letter dala ang APOR,” suno kay Caelian.

Ginsiling naman ni Governor Eugenio Jose Lacson nga gintawgan na siya ni Iloilo Governor Arthur Defensor, Jr. Sa ginalantaw nila ni Mayor Trenas nga tikang nga limitahan sa essential travel kag para sa mga apor ang biyahe sa tunga sang panay kag negros occidental ilabi na karon nga may pagtimbuok sa kaso sang COVID-19 sa probinsya. Suno kay Lacson wala siya sang problema sa amo nga lihok kag nahangpan niya ini.

“I told them I understand your situation. Do what you think is good for your constituents. On our part, let’s not look at it negatively. Let’s do our homework. We really have a problem now. Let’s not deny ourselves,” suno kay Lacson.

As of April 11, 1333 ang active cases sang negros occidental, pinaka mataas sa western visayas. Naga sunod naman diri ang Bacolod City.

Secured By miniOrangeSecured By miniOrange