Shadow

5 ka mga banwa kag siudad sa Negros Occidental zero Covid cases na

Lima ka mga banwa kag siudad sa Negros Occidental ang may zero active cases.

Sa March 15 nga report sang Provincial Incident Management Team, ang Don Salvador Benedicto, Ilog, Manapla, San Carlos City kag San Enrique ang may zero active Covid–19 cases.

Ang siudad sang Bago na lamang sa amo nga report sang PIMT ang naga pabilin nga may yara sang 2-digit active cases.

Tig-isa na lang ka active Covid case ang na report sa nabilin nga mag banwa kag siudad.

Lima naman ang gin-report new cases sa Negros Occidental sang marso 15 kag sa kabilugan, 67 ang active cases sa probisya.

Naga pabilin sa alert level 2 ang Negros Occidental tubtob Marso 31.

Ginatutukan naman sa karon ang pag bakuna sa mga senior citizen ukon ang sa A2 category.

Ini ang isa sa mga rason nga ginalantaw nga indi maka idog sa alert level 1 ang probinsya kun indi malambot ang target nga mabakunahan sa vulnerable sector kasubong sang senior citizen.

Secured By miniOrangeSecured By miniOrange