Sumugod Marso uno, maga balik na ang 5-day work week sang kapitolyo probinsyal.
Ini suno kay Negros Occidental Governor Eugenio Jose Lacson, kasunod naman sang pagnubo sang kaso sang Covid-19 sa probinsya kag kabahin sang amat-amat nga pagbalik sa normal. Una na nga ginpatuman ang pagbalik sang biometrics sa time-in time – out sang mga empleyado sang gobyerno probinsyal.
Sa February 20 nga report sang Provincial Incident Management Team, 13 ang new cases, 1,425 ang total active cases sang probinsya. Sa report sang nagligad nga semana, nanaog na sa 40 percent ang occupancy rate sang Covid designated hospital sa Cadiz City.
Ginalantaw man sang gobernador lubos nga pagbalik sa kinaandan, naga pabilin sa karon ang curfew.
Suno kay Lacson, sa iya nga pagsugilanon sa pila ka mga punong barangay, indi lamang bahin sa away kontra sa Covid 19 nakabulig ang curfew kundi pati man sa mga petty crimes.
Ini ang pagahatagan sang konsiderasyon.