Patay ang isa ka rider matapos makabunggo ang iya motorsiklo sa likod nga bahin sang nagapundo nga truck sa Economic Highway nga sakop sang Purok Star Apple, Baranagy Vista Alegre sa Bacolod City, mga las 3:15 sang kaagahon, Martes Agosto 4.
Nagwa sa imbestigasyon nga padulong norte sang Economic Highway ang Isuzu Dump Truck nga ginamaneho ni alyas “Agustin”, 43-anyos, taga Victorias City sang nagpundo ini sa higad sang dalan agod i-check ang salakyan.
Naka-on ang park light sang dump truck suno sa report sang Traffic Enforcement Unit.
Samtang naga-check ang driver sang truck, nakibot ini sang may naglagapok sa likod sang salakyan.
Bangud sang impact, nagtabog ang driver sang Yamaha Nmax nga ginkilala kay alyas “Alan”, 24-anyos, taga Brgy. Mansilingan.
Ang iya motor ang wasak kag nagdasok sa likod nga guma sang truck.
Gina-imbestigaran pa sang Traffic Enforcement Unit ang rason sang vehicular incident.
[sibwp_form id=1]