May 15-day period nga mag avail sang remedy ang apat ka mga empleyado sang Office of the Provincial Agriculturist nga ginkakas sa serbisyo.
Ini suno kay Provincial Legal Officer, Alberto Nellas Jr., nga nagsiling nga sarang maka file sang motion for reconsideration ang apat ka empleyado sa Office of the Governor bilang ila nga disciplining authority ukon direkta nga mag file sang appeal sa Civil Service Commission.
Kay gin papanaog sa apat ang mando sa pag kakas sa ila sa serbisyo sadtong Enero 4, magatapos ang 15-day period for remedy suno kay Nellas sa Enero 19.
Kun indi sila maka file sang sulod sang 15 diyas mangin final na ang desisyon batuk sa ila.
Ginkakas ang apat sa serbisyo bangud sang grave misconduct angut sa misuse sang government vehicle.
Hulyo 2021 sang nagtambong sila sang isa
ka pagsapol sa Victorias City.
Pero sang ginpangita sila sang driver nga naka assign sa ila sa idalom sang Capitol Cab service, sila ang nakit-an las 8 sang gab-I sa isa ka ilimnan.
Padayon naman ang hearing sa division head nga may kahilabtanan man sa amo nga kaso matapos mag avail sang full blown hearing.