Shadow

4-day Vaccination Days ipatigayon sa Negros Occidental bangud sang backlog sa vaccination

Tutukan sang probinsya karon ang back log bahin sa bakuna sang mga LGU kag agudto man nga mabuligan sila de-escalate sa alert level 1.

Sa karon naga pabilin sa pito ang mga banwa kag siudad sa Negros Occidental nga yara sa alert level 1.

Suno kay Provincial Health Officer Dr Ernell Tumimbang, natalana ipatuman ang four day vaccination drive sa probinsya.

Wala pa man sang pat-od nga petsa, pero tinutuyo sini nga maduso pa gid ang pagpabakuna ilabi na sa mga yadtong wala pa gid nadapatan sang Covid-19 vaccine.

Wala pa natapos ang pandemic suno kay Tumimbang rason nga nagakaigo nga mahangpan sang pumuluyo nga dapat mapangapinan nila ang ila kaugalingon kontra sa covid 19.

May vaccine hesitancy sa gihapon sa mga senior citizen ukon ang yara sa A2 category. Bisan gani ang naga pa booster shot mahinay man, kag kasubong sini ang sitwasyon sa iban nga bahin sang pungsod.

62.68 percent ang fully vaccinated sa Negros Occidental sa target sini mabakunahan sandig sa may 18 nga report sang DOH.

Secured By miniOrange