Sa banwa sang Hinobaan, 35 ka mga puluy an sa bahin sang Barangay Bacuyangan ang ginlockdown kasunod sang pagkapatay sang isa ka residente nga nag positibo sa COVID-19.
Suno kay Hinobaan Mayor Ernesto Estrao, 158 ka mga residente ang apektado sang lockdown nga nagsugod sang Sabado.
Ang mga close contact sang 50 anyos nga lalaki nga napatay sang biernes pila ka oras matapos nga madala sa ospital, ang napaidalom na sa swab test kag ang mga kaingod sini ginpaidalom sa quarantine suno sa alkalde.
Suno sa alkalde may mga sintomas na nga daan nga gina batyag ang 50 anyos pero ulihi na nga gindala sa ospital.
Nahatagan naman sang assistance ang mga apektado sang lockdown.
Apat sa karon ang active COVID-19 cases sang Hinobaan.
Padayon man sa karon nga sirado ang Hinobaan sa mga turista ka bisita gikan sagwa sang banwa.