Naka lockdown humalin sang Sabado ang Police Staion 4 sa Barangay Villamonte sa Bacolod matapos mag positibo sa COVID-19 ang 14 ka mga personnel lakip na ang station commander.
Suno kay Police Lieutenant Liberty Indiape, PIO sang Bacolod City Police Office, sang Biyernes una nga nag positibo ang lima ka personnel lakip na ang station commander nga si Police Major Jun Ray Batadlan kag kahapon may siyam pa ka dugang nga nag positibo.
Bangud sini, temporaryo anay nga gin lockdown ang police station kag wala sang sibilyan nga makasulod diri suno kay Indiape.
Pero suno sa iya sarang sa gihapon mag pa blotter ang mga may luyag pero sa gwa lang sang police station kag may gin augment man nga personnel gikan sa BCPO headquarters para mag bulig sa nabilin nga kapulisan sa police station.
Ginpaidalom naman sa swab test suno kay Indiape ang mga detainees sa sulod sang Police Station 4.